سلام ای وارث کیوون آرش                                             سلام ای صاحِوِ اسب سیاوش

سلام ای بختیاری بخت روشن                                          گل ایرون و خارِ چَشم دشمن

سلام ای کُر که گُرزِت باوِ دسته                                        که اسمت پشتِ بدخواته شکسته

سلام ای دور که مینات از کتونه                                       توکه دنیا رشادت هاته دونه

بگو جور اول دنیا وه کامه                                             هنی خوت کدخدا گرزت غلامه

به دامونت کُرِ دلدار هِد باز                                             به میدونت گَلِ پیکار هِد باز

بگو مالِت بهارو مین بهونه                                           هنی میرزا گَپِت شَهنامه خونه

زه چو بازی بگو داری تو چوباز                                    هنی هم میش کالون ایزنن ساز

بنازوم مذهب و دینت بنازم                                            بنازوم رسم و ایینت بنازوم

ایر تاریخ کم مهری نشون داد                                        ایر گردون به کامت کم عمون داد

ولی الحق که اصلت افتخاره                                          تَشِ ایلت مِن دنیا دیاره